रूपन्देही : भलुही गणेशनगरस्थित प्रतीक्षालय नजिक माइक्रो बस र ईभी माइक्रो ठोक्किँदा दुईजनाको मृत्यु भएको छ भने २७ जना घाइते भएका छन्। बुधबार बिहान करिब ९ बजेतिर बुटवलबाट बर्दघाटतर्फ जाँदै गरेको लु १ ख ७२८५ नम्बरको माइक्रो बस र नारायणगढबाट बुटवल आउँदै गरेको वागमती प्रदेश ०० ख ८९२८ नम्बरको ईभी माइक्रो ठोक्किदा दुर्घटना भएको प्रहरीले जनाएको छ।
दुर्घटनामा घाइते भएका मध्ये दुईजनाको उपचारका क्रममा मृत्यु भएको हो। अन्य घाइतेहरूको देवदह मेडिकल कलेजमा उपचार भइरहेको छ। प्रहरीका अनुसार दुर्घटनाको कारणबारे अनुसन्धान भइरहेको छ।
प्रतिक्रिया दिनुहोस !
