शिक्षा र स्वास्थ्य सेवामा लगाइएको ३ प्रतिशत कर फिर्ता
कर फिर्ता लिएपछि प्रधानमन्त्री बालेनले भने- सरकारका सबै निर्णय जनताको हितमा गरिनेछन्
साउन ५, २०८३ मंगलबार १५:०:५६
काठमाडौं : प्रधानमन्त्री बालेन शाहले सरकारले सबै निर्णयहरू नागरिकको हितमा गरिने बताएका छन्। मंगलबार निजी शिक्षा र स्वास्थ्य क्षेत्रमा लगाइएको ३ प्रतिशत कर हटाउने निर्णय गरेपछि प्रधानमन्त्री बालेनले नागरिको हितलाई केन्द्रमा राखेर सबै निर्णय गरिने बताएका छन्।
'नागरिकको माग सुन्दै अगाडि बढ्न तथा समतामूलक समाज निर्माण गर्न हाम्रो प्रतिबद्धता अटल र स्पष्ट छ । सरकारका सबै निर्णय नागरिकको हितलाई केन्द्रमा राखेर गरिएका छन् र गरिने छन् । कुनै निर्णयप्रति नागरिक असन्तुष्ट भएमा त्यसलाई सुधार्न र परिमार्जन गर्न सरकार सधैं तयार रहनेछ,'प्रधानमन्त्री बालेनले फेसबुकमा लेखेका छन्।
यसैबीच,प्रधानमन्त्री बालेनले विपन्न तथा गरिब नागरिकले गुणस्तरीय शिक्षा र स्वास्थ्य सेवा प्राप्त गर्न सकून् भन्ने उद्देश्यले निजी अस्पतालमा १० प्रतिशत बेड तथा निजी क्याम्पस र विश्वविद्यालयमा १० प्रतिशत सिट पारदर्शी र न्यायोचित रूपमा उपलब्ध गराउने नीति कार्यान्वयन गर्न सरकार प्रतिबद्ध रहेको जनाएको छ।
सरकारले निजी शिक्षा र स्वास्थ्य क्षेत्रमा लगाउने निर्णय गरेको ३ प्रतिशत समता शुल्क फिर्ता लिने निर्णय गरेको छ।
प्रतिक्रिया दिनुहोस !
