काभ्रेपलाञ्चोक : महाभारत गाउँपालिका- ४ गोठडाँडामा आइतबार राति आगलागी हुँदा दुई घर र तीन वटा गोठ पूर्ण रुपमा जलेर नष्ट भएका छन्। आइतबार राति करिब १०:३० बजे मनमाया ठाडामगरको घरको भान्साबाट आगलागी सुरु भएको खाना पकाइसकेपछि आगो ननिभाई टेलिभिजन हेर्न गएको अवस्थामा भान्साको आगो फैलिँदै भान्सा कोठा पूर्ण रुपमा जलेको र नजिकै रहेका अन्य घर तथा गोठमा समेत सल्किएको प्रहरीले जनाएको छ ।
आगलागीबाट सनख बहादुर ठाडामगरको घर र गोठ जलेको छ। त्यस्तै रण बहादुर ठाडामगर थापाको घर र गोठ जलेको छ। मनमाया ठाडामगरको भान्सा घर पूर्ण रुपमा जलेको प्रहरीले जनाएको छ। आगलागीबाट अन्नपात, लत्ताकपडा, सामग्रीमा र पशु चौपाया समेतमा ठूलो क्षति पुगेको छ।
प्रहरी र स्थानीयवासीको सहयोगमा आगो नियन्त्रणमा लिइएको एपीएफ प्रहरी एसपी माधव रेग्मीले जानकारी दिए ।
प्रतिक्रिया दिनुहोस !
