प्रदेश ५ को सभामुखमा घर्ती निर्वाचित
बुटवल : प्रदेश नम्बर ५ को सभामुखमा पूर्णबहादुर घर्ती निर्वाचित भएका छन् । बुधबार बसेको प्रदेशसभा बैठकले घर्तीलाई सभामुख चयन गरेको हो । बैठकमा जेष्ठ सदस्यको हैसियतले अध्यक्षता गरेका बलदेव शर्मा पोखरलले माओवादी केन्द्रका घर्तीलाई निर्विरोध चयन गरेको घोषणा गरेका थिए ।
सभामुखमा घर्तीको मात्रै उम्मेद्वारी परेको थियो । घर्तीलाई सभामुख बनाउन माओवादी केन्द्रका सचेतक दघिराम न्यौपानले गरेको प्रस्तावलाई एमालेका सचेतक भुमिस्वर ढकालको समर्थन गरेका थिए ।
रुकुम पूर्वको प्रदेश सभा ख बाट निर्वाचित घर्तीलाई माओवादी केन्द्रको संसदीय दलको बैठकले सभामुख बनाउने निर्णय गरेको थियो । प्रदेश ५ को संसदमा वाम गठबन्धनको स्पष्ट बहुमत छ । प्रदेश ५ मा ८७ सांसदमध्ये गठबन्धनसँग ६१ सांसद छन् ।
सभामुख निर्वाचित घर्तीले बुधबार साँझ ५ बजे शपथ लिँदैछन् । प्रदेश प्रमुख उमाकान्त झाले प्रदेश प्रमुखको कार्यालय दरबारमार्ग लाइनमा पद तथा गोपनियताको सपथ गराउने कार्यक्रम छ । बैठकले उप–सभामुखको निर्वाचन फागुन ६ गतेलाई तोकेको छ ।
प्रतिक्रिया दिनुहोस !
