वीरगन्ज : प्रधानमन्त्री कप पुरुष राष्ट्रिय क्रिकेट प्रतियोगिताको उपाधि भिडन्तमा विभागीय टोली त्रिभुवन आर्मीले एक सय ६२ रनको लक्ष्य पाएको छ । वीरगन्जस्थित नारायणी मैदानमा शुक्रबार बिहान टस जितेर ब्याटिङ रोजेको सुदूरपश्चिमले ३९.४ ओभरमा सबै विकेट गुमाएर १६१ रन जोडेको हो ।
सुदूरपश्चिमका लागि अशोक धामीले सर्वाधिक ४३ रन जोडे । किरण ठगुन्नाले ३५ र नारायण जोशीले २९ रन बनाउँदा अरु ब्याटर चलेनन् । आर्मीविरुद्ध खराब सुरुवात गरेको सुदूरपश्चिमको पालिलाई अशोक,किरण र नारायणले सम्हाले पनि प्रतिस्पर्धात्मक योगफल तयार पार्न सकेनन् ।
सुदूरपश्चिमले ३१ रनको स्थितिमा पाँच विकेट गुमाएको थियो । सुरुवाती पाँच ब्याटरले दोहोरो अंकमा रन जोड्न नक्सदा महत्वपूर्ण उपाधि भिडन्तमा सुदूर निरिह बन्न पुग्यो । कप्तान शेर मल्ल एक रनमै आउट भए ।
सुदूरपश्चिमलाई सस्तैमा समेटने क्रममा आर्मीका आकाश चन्द र साहब आलमले तीनरतीन विकेट लिए । बसिर अहमदले दुई विकेट हात पार्दा कुशल मल्लले एक विकेटले लिए।
प्रतिक्रिया दिनुहोस !
