काठमाडौं : प्रधानमन्त्री कप राष्ट्रिय एक दिवसीय क्रिकेट प्रतियोगिता २०२६ अन्तर्गत कुशल मल्लको उत्कृष्ट ब्याटिङमा त्रिभुवन आर्मी क्लबले बागमती प्रदेशलाई ३ विकेटले हराएको छ । यो जितसँगै आर्मी प्रतियोगितामा अविजित रहेको छ । यससँगै आर्मी ४ खेलबाट ३ जित र १ खेलमा अंक बाँड्दै ७ अंकसहित अंक तालिकाको शिर्ष स्थानमा उक्लिएको छ ।
माथिल्लो मूलपानी मैदानमा मैदानमा भएको ओसका कारण खेल २८ ओभरमा घटाइएको थियो । जसमा टस हारेर ब्याटिङको निम्तो पाएको बागमतीले २८ ओभरमा ७ विकेट गुमाउँदै २०८ रन बनायो । बागमतीले दिएको २०९ रनको विजयी लक्ष्य पछ्याएको आर्मीले २७.५ ओभरमा ७ विकेट गुमाउँदै २१० रनसहति लक्ष्य पूरा गरेको हो ।
अन्तिम ओभरमा १३ रन चाहिएको थिया अन्तिम २ बलमा ५ रन चाहिएको अवस्थामा अन्तिम ओभरको पाँचौं बलमा रिजन ढकाललाई छक्का प्रहार गर्दै खेल आर्मीको पोल्टामा पारेका हुन् । आर्मीको जितमा कुशल मल्लले उत्कृष्ट ९० रनको अविजित पारी खेले। उनले ५८ बलमा ३ चौका ८ छक्का प्रहार गरे।
त्यसअघि, ब्याटिङ गरेको बागमतीको लागि ओपनर आशुतोष घिरौयाले सर्वाधिक ३८ रन बनाए । उनले ३६ बलमा ५ चौका प्रहार गरे । अर्का ओपनर शुभ कंसाकरले १५, पवन थापाले ३५, विवेक मगरले ३० र प्रतिश जिशीले २८ रन बनाए । कप्तान सन्दीप लामीछाने र सोनु देवकोटा क्रमशः ३० र २१ रनमा अविजित रहे । त्रिभुवन आर्मी क्लबका लागि नरेन साउदले ४ विकेट लिए । साहब आलम, दुर्गेश गुप्ता र वसिर अहमदले १–१ विकेट लिए ।
आर्मीले पहिलो खेलमा नेपाल पुलिस क्लबलाई २२ रनले हराएको थियो । दोस्रो खेलमा गण्डकी प्रदेशलाई ७ विकेटले हराएको थियो । तेस्रो खेल एपीएफसाग वर्षाका कारण रद्द भएको थियो । बागमतीले यसअघिको ३ खेलमा २ हार १ जित दर्ता गरेको थियो । बागमी पहिलो खेलमा एपीएफसँग ७१ रनको हार बेहोरेको थियो । दोस्रो देलमा गण्डकीलाई १७० रनले हराएको थियो । तेस्रो खेलमा नेपाल पुलिस क्लबसँग ७ विकेटको हार बेहोरेको थियो ।
प्रतिक्रिया दिनुहोस !
