संविधान र संघीयताप्रति भईरहेको आक्रमण सबैले मिलेर निस्तेज पारौं : मुख्यमन्त्री कार्की
जेठ १५, २०८३ शुक्रबार १४:३७:१४
विराटनगर : कोशी प्रदेशका मुख्यमन्त्री हिक्मतकुमार कार्कीले संविधान र संघीयताप्रति विभिन्न कोणबाट भईरहेको आक्रमणको प्रयासलाई सबैले मिलेर निस्तेज गर्नुपर्ने बेला आएको बताएका छन् ।
१९ औं गणतन्त्र दिवसको अवसरमा विराटनगरस्थित वीरेन्द्र सभागृहमा आयोजित कार्यक्रमलाई सम्बोधन गर्दै मुख्यमन्त्री कार्कीले गणतन्त्रको उपलब्धि जनतासम्म पुर्याउन भईरहेको विलम्बका कारण असन्तुष्टि व्यक्त भईरहेकोप्रति सजग हुन आग्रह गरे । उनले लोकप्रियतावादका नाममा भईरहेका क्रियाकलापले संघीय लोकतान्त्रिक गणतन्त्रमार्फत प्राप्त गरेका उपलब्धिहरु गुम्ने मात्र नभइ, मुलुकको स्वतन्त्रता, र्सार्वभौमसत्ता र अखण्डता नै संकटमा पर्ने तर्फसचेत हुन आग्रह गरे ।
सो कार्यक्रम अघि जिल्ला प्रशासन कार्यालय मोरङ अगाडिबाट निकालिएको झाँकीसहितको र्यालीले नगरको विभिन्न भागको परिक्रमा गरेको थियो । गणतन्त्र दिवस समारोह समितिले आयोजना गरेको सो कार्यक्रममा कोशी प्रदेशका प्रदेश प्रमुख, सभामुख, मन्त्रीहरु, उच्च पदस्थ कर्मचारीहरु, सुरक्षा निकायका प्रमुखहरु र नागरिक समाजका प्रतिनिधिहरुको सहभागिता रहेको थियो ।
प्रतिक्रिया दिनुहोस !
