इरानको चेतावनी : अमेरिकाले फेरि आक्रमण गरे लामो पीडादायी प्रतिक्रिया भोग्छ
वैशाख १८, २०८३ शुक्रबार १४:३३:१०
इरान : अमेरिकाले फेरि आक्रमण गरे अमेरिकाले लामो पीडादायी प्रतिक्रिया भोग्नु पर्ने इरानले चेतावनी दिएको छ । इरानले आफूहरुमाथि फेरि आक्रमण भए पीडादायी हमला गर्ने चेतावनी दिएको हो । अमेरिकाले होर्मुज जलमार्ग खोलाउन गठबन्धन योजना बनाइरहे बनाएर दवाव बढाइरहेका बेला इरानले होर्मुजमा आफ्नो दावी फेरि दोहोर्याएको छ ।
अमेरिका–इजरायल र इरानबीचको युद्ध सुरु भएको दुई महिना भइसकेको छ । होर्मुज जलडमरूमध्य अझै बन्द नै छ । यसले विश्वको करिब २० प्रतिशत तेल र ग्यास आपूर्ति अवरुद्ध गरेको छ । परिणामस्वरूप विश्वव्यापी ऊर्जा मूल्य बढेको छ र आर्थिक मन्दीको जोखिम बढेको छ । पाकिस्तानको नेतृत्वमा भइरहेको शान्ति प्रयासहरू ठप्प भएका छन् ।
अप्रिल ८ देखि युद्धविराम लागू भए पनि, इरानले आफ्नो बन्दरगाहमाथि अमेरिकी नाकाबन्दीको प्रतिक्रिया स्वरूप जलडमरूमध्य बन्द गरिरहेको छ, जसले तेल निर्यात (इरानको मुख्य आय स्रोत) रोकिएको छ । इरानका विदेश मन्त्रालयका प्रवक्ता इस्माइल बघाईले अमेरिकाले उक्त जलमार्ग ‘दुरुपयोग’ गरेको आरोप लगाए । बघाईले खाडी क्षेत्रमा रहेका अमेरिकी लक्ष्यहरूमाथि गरिएको आक्रमणलाई पनि जायज ठहर गरे । उनले क्षेत्रीय देशहरूले अमेरिकासँग मिलेर इरानमाथि आक्रमण गरेको भन्दै आलोचना गरे ।
यसबीच, संयुक्त अरब इमिरेट्सले आफ्ना नागरिकहरूलाई इरान, लेबनान र इराक भ्रमण नगर्न प्रतिबन्ध लगाएको छ र त्यहाँ भएका नागरिकलाई तुरुन्त फर्कन आग्रह गरेको छ । इरानको धम्कीपछि युएइका राष्ट्रपति सल्लाहकार अनवर गर्गाशले इरानमाथि विश्वास गर्न नसकिने बताएका छन् ।
त्यस्तै, बहराइनका राजा हमद बिन इसा अल खलिफाले पनि इरानको आलोचना गर्दै यसलाई क्षेत्रीय सुरक्षामाथि खतरा बताएका छन् । राजाले देशभित्रका ‘सहयोगी’ हरूमाथि कडा कारबाही हुने चेतावनी दिएका छन्, जसमा जेल, नागरिकता खोसिने वा देशनिकाला समेत हुन सक्छ । उनले राष्ट्रिय एकता र निष्ठालाई सबैभन्दा महत्वपूर्ण भनेका छन् ।
प्रतिक्रिया दिनुहोस !
