आफैं अध्ययन गर्ने विद्यालयको बसले किच्दा बालिकाको मृत्यु, सहचालक पनि रहेनन्
असार १६, २०८३ मंगलबार २१:३३:१६
काठमाडौं : स्कुल बसले किच्दा ५ वर्षीया बालिका र बसका सहचालकको मृत्यु भएको छ।
सिरहा लक्ष्मिपुरपतारी गाउँपालिका-२ पर्सास्थित भित्री सडकखण्डमा पायोनियर एजुकेशन एकेडेमीको बसले किच्दा ५ वर्षीया बालिका र बसका सहचालकको मृत्यु भएको हो।
जिल्ला प्रहरी कार्यालयका अनुसार लहान नगरपालिका-२२ का २५ वर्षीय सहचालक ओमप्रकाश यादव र सोही विद्यालयमा अध्ययनरत सप्तरी बोधेबरसाइन नगरपालिका-८ काचन घर भई हाल मावलीको घर लक्ष्मिपुरपतारी-२ पर्सामा बस्दै आएकी ५ वर्षीया समिक्षा कुमारी साहको घटनास्थलमै मृत्यु भएको हो
आज अपराह्न सवा ४ बजे विद्यार्थीलाई घरमा छोडेर विद्यालयतर्फ फर्कँदै गरेको को १ ख ३५९९ नम्बरको बसबाट बालिकालाई झार्ने क्रममा बस अगाडि बढ्दा पछाडिको चक्काले किचिएर सहचालक र बालिकाको मृत्यु भएको हो।
दुर्घटनामा संलग्न बस इलाका प्रहरी कार्यालय महेशपुरपतारको नियन्त्रणमा रहेको छ भने फरार रहेका चालकको खोजी तथा घटनाबारे थप अनुसन्धान भइरहेको छ।
प्रतिक्रिया दिनुहोस !
