४ पटकको विश्वकप विजेता जर्मनीलाई पेनाल्टी सुटआउटमा पराजित गर्दै पराग्वे राउन्ड अफ १६ मा

काठमाडौं : फिफा विश्वकप २०२६ अन्तर्गत नकआउट चरण ( राउन्ड अफ ३२) को तेस्रो खेलमा चार पटकको विश्वविजेता जर्मनी पराजित भएको छ। पेनाल्टी  बोस्टन स्टेडियममा पेनाल्टी सुटआउटमा जर्मनलाई पराजित गर्दै पराग्वे राउन्ड अफ १६ मा प्रवेश गरेको हो।

खेलको पहिलो हाफमा जर्मनीविरूद्ध पराग्वेले १-० को अग्रता बनाएको थियो । दोस्रो हाफमा जर्मनीले गोल फर्कायो। खेल बराबरी भइरहँदा दुईपटक ३०/३० मिनेटको अतिरिक्त समय थपियो त्यसमा पनि दुवै टोलीले गोल निकाल्न सकेनन्। जसको फलस्वरूप खेल पेनाल्टी सुटआउटमा गएर निर्णायक बनेको थियो। 

खेलमा पराग्वेका गोलकिपर ओर्लान्डो गिल निकै उत्कृष्ट प्रदर्शन गरे। उनले दुईवटा पेनाल्टी बचाउँदै अन्तिम १६ को यात्रा तय गर्न महत्वपूर्ण भूमिका निर्वाह गरे। 

भराग्वेका लागि माउरिसियो, गोस्ताभो गेमेज, माथियस गालार्ज र जोस कालोनेले पेनाल्टी सुटआउटमा गोल गरे। जर्मनीका लागि कप्तान जोसुअ किम्मिच, जमाल मुसिएला र नादिम अमिरीले गोल गरे। 

खेलको ४२ औं मिनेटमा पराग्वेले जर्मनी विरुद्ध गोल गरेको छ। पराग्वेका लागि मातियसको उत्कृष्ट क्रसमा जुलियो एनसीसोले हेडरमार्फत गोल गरे। पहिलो हाफमा ७८ प्रतिशत बल पोजिसन राखेर खेलेको जर्मनीले गोल भनेर निकाल्न सकेन।

दोस्रो हाफमा जर्मनीले गोल फर्कायो खेलको ५४ औं मिनेटमा जर्मनीले गोल फर्काएको हो। जर्मनीका काइ हार्भाटले गोल गर्दै खेललाई बराबरीमा ल्याएका थिए। 

यो खेल निर्धारित ९० मिनेटसम्म बराबरीमा सकिँदा अतिरिक्त समयमा लम्बिएको थियो। अतिरिक्त समयको १०२ औं मिनेटमा जर्मनीले गोल गरेको थियो। तर यो गोल भिडियो असिस्टेन्ट रेफ्री (भिआर)ले अनाधिकृत घोषणा गरिदियो। कर्नर प्रहार गर्नुअघि पराग्वेका गोलकिपरलाई जर्मनीका खेलाडीले फाउल गरेको भन्दै यो गोललाई अनाधिकृत घोषित गरिएको हो। 

सन् २०१४ मा ब्राजिलमा भएको विश्वकप जिते यता जर्मनीले विश्वकपको नकआउट चरण पार गर्न सकेको छैन। यद्यपि यसपटक राउन्ड अफ ३२ मा स्थान बनाएको जर्मनीसँग पराजित हुँदै बाहिरिनु पर्‍यो। 

पराग्वेले भने सन् २०१० यता दोस्रो पटक विश्वकपको नकआउट चरण पार गरेको हो। सन् २०१० मा दक्षिण अफ्रिकालाई पेनाल्टी सुटआउटमा पराजित गर्दै क्वाटर फाइनलसम्म पुगेको थियो। 

सोमबार राति भएको खेलमा ब्राजिलले जापानलाई पराजित गर्दै राउन्ड अफ १६ मा स्थान बनाएको छ। सोमबार बिहान भएको राउन्ड अफ ३२ को पहिलो खेलमा क्यानडाले दक्षिण अफ्रिकालाई पराजित गर्दै राउन्ड अफ १६ मा प्रवेश गरेको थियो ‌ ।