वीरगन्ज : बोलेरो गाडीमा लागू ओैषध गाँजा तस्करी गर्ने दुई जनालाई पक्राउ गरेको छ। पक्राउ पर्नेहरूमा बा१९ च ५७३८ नम्बरको बोलेरो गाडीका चालक सिन्धुपाल्चोकको बाह्रबिसे नगरपालिका-२ का ३० वर्षीय सुभाष थामी र त्यही ठाउँका २८ वर्षीय छत्र बहादुर थामी रहेका छन्।
वीरगन्ज महानगरपालिका-२१ स्थित ड्राइपोर्ट-परवानीपुर सडकखण्डमा इलाका प्रहरी कार्यालय पोखरिया र वडा प्रहरी कार्यालय श्रीपुरको संयुक्त टोलीले पथलैयाबाट वीरगन्ज आउँदै गरेको बा १९ च ५७३८ नम्बरको बोलेरो गाडी रोकेर चेकजाँच गरेको थियो।
त्यस क्रममा उक्त गाडीमा त्रिपालले छोपेर राखिएको अवस्थामा ८ वटा पोकामा रहेको १०९ केजी गाँजा बरामद भएको जिल्ला प्रहरी कार्यालय पर्साले जनाएको छ। बरामद गाँजा र गाडीसहित दुबै जनालाई प्रहरीले नियन्त्रणमा लिएको प्रहरी नायब उपरीक्षक हरिबहादुर बस्नेतले जानकारी दिए।
प्रतिक्रिया दिनुहोस !
