दुई सातामै भारतमा चौंथो पटक बढ्यो इन्धनको भाउ, नेपालमा कस्तो पर्छ असर ?
जेठ १२, २०८३ मंगलबार १०:४५:५१
भारत : भारतमा पेट्रोल–डिजेलपछि कम्प्रेस्ड नेचुरल ग्यास (सीएनजी) पनि को मूल्य पनि बढाइएको छ । मंगलबार अर्थात् मे २६ मा सीएनजीको मूल्यमा २ रुपैयाँ वृद्धि गरिएको हो ।
अब भारतको राजधानी दिल्लीमा सीएनजीको मूल्य प्रतिकिलोग्राम ८३.०९ रुपैयाँ पुगेको छ । यो मे १५ पछि गरिएको चौथो वृद्धि हो । यसअघि मे महिनामै तीन पटक सीएनजीको मूल्य बढाइएको थियो । मे १५ मा २ रुपैयाँ, मे १८ मा १ रुपैयाँ र मे २३ मा फेरि १ रुपैयाँ बढाइएको थियो । यसरी पछिल्लो ११ दिनमा मात्रै सीएनजीको मूल्य कुल ६ रुपैयाँले बढाइएको छ ।
इण्डियन नेशनल कंग्रेसले आफ्नो एक्स ह्यान्डलमा लेखेको छ, ‘महँगीको मार फेरि जनतामाथि परेको छ । सीएनजी २ रुपैयाँले महँगो बनाइयो । नरेन्द्र मोदीले आफ्ना धनी साथीहरूका लागि जनतालाई लुटिरहेका छन् ।’
यसअघि सोमबार सरकारले पेट्रोलको मूल्य प्रतिलिटर २ रुपैयाँ ६१ पैसा र डिजेलको मूल्य २ रुपैयाँ ७१ पैसा बढाएको थियो । पछिल्ला दुई सातामा पेट्रोल–डिजेलको मूल्यमा यो चौथो वृद्धि हो । यो वृद्धि पछि दिल्लीमा पेट्रोलको मूल्य प्रतिलिटर १०२.१२ रुपैयाँ पुगेको छ भने डिजेल ९५.२० रुपैयाँ प्रतिलिटरमा बिक्री भइरहेको छ ।
यसैबीच भारतमा लगातार इन्धनको मूल्य उकालो लाग्न थालेपछि छिमेकी देश नेपालमा समेत चिन्ता बढ्न थालेको छ । अहिलेसम्म नेपालमा भारतबाट नै डिजेल–पेट्रोल आयात हुने गरेको छ । नेपालले भारत आयल कर्पोरेशनबाट इन्धन किन्ने गरेको छ । भारतमै इन्धनको मूल्य बढ्न थालेपछि यसको असर नेपालमा सिधै पर्न जान्छ । यसअघि नै नेपालमा इन्धनको मूल्य वृद्धि गरिएको छ । जसका कारण अहिले तत्कालका लागि मूल्यवृद्धि नगरिए पनि मूल्यवृद्धि जतिबेला पनि हुन सक्ने भने देखिन्छ ।
प्रतिक्रिया दिनुहोस !
