परीक्षा सुरु भएको केही समयमै एमबीएस प्रथम सेमेस्टरको प्रश्नपत्र लिक गर्ने व्यक्ति पक्राउ
साउन १०, २०८३ आइतबार २०:३१:३४
काठमाडौं : परीक्षा सुरु भएको केही समयमै एमबीएस प्रथम सेमेस्टरको प्रश्नपत्र लिक गर्ने व्यक्ति पक्राउ परेका छन्।
पक्राउ पर्नेमा कैलालीको घोडाघोडी नगरपालिका-११ स्थायी घर भई हाल भक्तपुरको मध्यपुर थिमी नगरपालिका-१ बस्ने ३३ वर्षीय संदिप सिंह रहेका छन्। प्रहरीको केन्द्रीय अनुसन्धान ब्यूरोको टोलीले उनलाई मध्यपुर थिमी नगरपालिका- १ बाट पक्राउ गरेको हो।
शुक्रबार एमबीएसको ‘एमजीटी ५१५: अर्गनाइजेसनल बिहेभियर’ विषयको परीक्षा दिउँसो १२ बजेदेखि सञ्चालन भएको थियो। परीक्षा सुरु भएको केही समयपछि एक हजारभन्दा बढी सदस्य भएको ह्वाट्सएप ग्रुपमा प्रश्नपत्र सार्वजनिक भएको थियो।
प्रतिक्रिया दिनुहोस !
