काभा भलिबलमा नेपालको चौंथो हार, सेमिफाइनल पुग्ने सम्भावना न्यून
साउन १०, २०८३ आइतबार १६:२२:५६
काठमाडौं : काभा पुरुष भलिबलमा नेपालको चौंथो हार व्यहोर्दा सेमिफाइनल खेल्ने सम्भावना न्यून बनेको छ । प्रतियोगिताको चौथो खेलमा बंगलादेशसँग ३–२ मा पराजित भएको हो ।
बंगलादेशले नेपाललाई १८–२५, २५–१९, २१–२५, २५–२३ र १५–११ ले हराएको हो । नेपालले पहिलो र तेस्रो सेट जितेको थियो । बंगलादेशले भने दोस्रो, चौथो र पाँचौं सेट जित्दै खेल जितेको हो । निकै प्रतिस्पर्धात्मक खेल खेलेको नेपाल प्रतियोगिता अवधिमा हालसम्म जितविहीन रहेको छ ।
जितविहीन बन्ने नेपाल पहिलो देश हो । नेपालले पहिलो खेलमा काजकिस्तानसँग, दोस्रो खेलमा श्रीलंकासँग र तेस्रो खेलमा पाकिस्तानसँग हार ब्यहोरेको थियो । नेपालले लिग चरणको अन्तिम खेल उज्वेकिस्तानसँग खेल्ने छ ।
प्रतिक्रिया दिनुहोस !
