एआई प्रविधि अर्थतन्त्रको रूपमा विकास भइरहेको छ : अकिन अध्यक्ष अमरासेकेरा
साउन १, २०८३ शुक्रबार १७:१८:५६
काठमाडौं : अकिनका अध्यक्ष सुरेन जे.अमरासेकेराले पछिल्लो पटक विकसित हुँदै आएको एआई प्रविधि अर्थतन्त्रको रूपमा विकास भइरहेको बताएका छन्।
काठमाडौंमा आज आयोजित अन्नपूर्णपोस्ट्को सुपर एप सम्पूर्ण लन्च समारोहमा सम्बोधन गर्दै उनले मानिसको ज्ञानहरू अहिले एआईमार्फत अर्थतन्त्रको रूपमा विकास भएको बताएका हुन्।
उनले अहिले प्रविधि एक भाषामा भएपनि यसलाई अन्य भाषामा पनि रुपान्तरण गर्दै लैजान सकिने बताए। एआईमा आधारित यस एपले आम नेपालीलाई समेटेर लैजाने उनको भनाइ छ।
विगत २५ वर्षदेखि अन्नपूर्ण मिडियाले पुर्याएको योगदानलाई कदर गर्दै उनले क्याप्टेन रामेश्वर थापालाई बधाइ दिएका थिए। ‘अकिन’को सहकार्यमा अन्नपूर्ण मिडिया नेटवर्कको डिजिटल कोसेली ‘सम्पूर्ण’ लन्च भएको हो।
प्रतिक्रिया दिनुहोस !
