संसदमा प्रधानमन्त्रीलाई प्रश्न गर्न एक दललाई दुई मिनेट समय, प्रतिपक्षीको आपत्ति

काठमाडौं : प्रतिनिधिसभाको आजको बैठकमा प्रधानमन्त्रीलाई प्रश्न सोध्न दलगत रुपमा समय निर्धारण गरिएको छ । सांसदहरुको लामो समयको मागपछि प्रधानमन्त्री बालेन शाह आज प्रतिनिधिसभा बैठकमा उपस्थित भएका छन् । आजको बैठकमा सभामुख डोलप्रसाद (डीपी) अर्यालले दलगत रुपमा प्रधानमन्त्रीसँग प्रश्न गर्न एउटा दललाई दुई मिनेटको समय दिएका छन् ।

जसमा प्रतिपछि दलले आपत्ति जनाएका छन् । विपक्षी दलले प्रधानमन्त्रीले संसदमा सांसदहरुको प्रश्नको जवाफ दिनु भन्दा तीन दिनअघि नै प्रश्न माग गर्ने प्रचलन रहेको बताएका छन् । तर, यस पटक यो प्रचलन तोडिएको भन्दै विपक्षीले आपत्ति जनाएका छन् ।