काठमाडौं : प्रतिनिधिसभाको आजको वैठकमा विपक्षी दलका सांसदहरुले प्रधानमन्त्री बालेन शाहको खोजी गरेका छन् । विपक्षी दल नेपाली कांग्रेस, नेकपा एमाले, श्रम सँस्कृति पार्टी, राप्रपाका सांसदहरुले प्रधानमन्त्री उपस्थित नभएसम्म सदन अगाडि बढ्न नसक्ने भन्दै उभिएर विरोध जनाएका छन् ।
विपक्षी दलहरुले प्रधानमन्त्री शाह सदनमा उपस्थित नभएर वहुमतको दम्भ देखाएको आरोप लगाएका छन् । आजको वैठकमा प्रधानमन्त्री शाहले विधेक पेस गर्ने कार्यसूची थियो । प्रधानमन्त्रीको तर्फबाट कानुनमन्त्री सोविता गौतमले विधेयक पेस गर्ने तयारी भएपछि विपक्षी दलका सांसदहरुले उठेर विरोध जनाएका हुन् ।
सभामुख डोलप्रसाद (डीपी) अर्यालले विपक्षी दलका सांसदहरुलाई प्रधानमन्त्री सदनमा आउने विषयमा छलफल भइरहेको जानकारी गराउँदै बसेर सहयोग गर्न आग्रह गरे पनि विपक्षी सांसदहरुले उठेर विरोध जनाइरहेका छन् ।
प्रतिक्रिया दिनुहोस !
