गुलरिया : बर्दियामा १८ जना यात्रु सवार बस दुर्घटना भएको छ । पूर्वबाट पश्चिमतर्फ गइरहेको ना ८ ख १९४९ नम्बरको यात्रु वाहक बस दुर्घटना भएको हो। पूर्व -पश्चिम महेन्द्र राजमार्गअन्तर्गत बर्दियाको ठाकुरबाबा नगरपालिका वडा नम्बर २ स्थित अम्रेनीमा बस र्दुघटना भएको जिल्ला प्रहरी कार्यालय बर्दियाका प्रहरी निरीक्षक प्रकाशसिंह कार्कीले जानकारी दिए ।
बसमा सवार चालकसहित १८ जना यात्रुमध्ये ८ जनाको कैलालीको लम्कीस्थित स्वास्थ्य संस्थामा र ५ जनाको स्थानीय स्वास्थ्य संस्थामा उपचार भइरहेको उनले बताए ।
दुर्घटनामा परेका ५ जना ईलाका प्रहरी कार्यालय भुरिगाउँमा छन् । घाइतेमध्ये एकजनालाई बढी चोट लागेको र अन्य सबैको अवस्था सामान्य रहेको प्रहरीले जनाएको छ । घटनाको विस्तृत विवरण आइ नसकेको प्रहरी निरीक्षक कार्कीको भनाइ छ ।
प्रतिक्रिया दिनुहोस !
