बाजुरामा भूकम्पका कारण दुई जना घाइते, दर्जन बढी घर भत्किए

बाजुरामा भूकम्पका कारण दुई जना घाइते, दर्जन बढी घर भत्किए
सुन्नुहोस्

बाजुरा : बाजुरामा भूकम्पका कारण दुई जना घाइते भएका छन्। मंगलबार दिउँसो बझाङमा केन्द्रबिन्दु बनाएर आएको भूकम्पले बाजुरामा दुई जना घाइते भएका जिल्ला प्रहरी कार्यालय बाजुराले जनाएको छ। 

बडिमालिका नगरपालिका ९ का आन्दाजी ८ वर्षीया प्रलोप डिजी आफ्नै घरको आँगनमा खेलिरहेको अवस्थामा छतबाट खसेको ढुंगा लागेर घाइते भएका जिल्ला प्रहरी कार्यालय बाजुराले जनाएको छ। त्यस्तै खप्तड छेडेदह गाउँपालिका ४ का सुन्दर सार्की विद्यालयको सिढीबाट लडेर घाइते भएका हुन्।
 

त्यस्तै भूकम्पका कारण जिल्लाभरि दर्जन बढी घरहरू भत्किएको प्रहरीले जानकारी दिएको छ। बडिमालिका ९ का जित चदाराको दुई तले घर र सोही वडाका भुपेस सनाईको घरमा आंशिकरूपमा क्षति भएको छ। खप्तड छेडेदह ७ का लाल बहादुर ओली र दिनेश ओलीको घरको पछाडी भाग भत्किएको छ। बुढीगंगा नगरपालिका ६ सायलका भक्त गिरी, वडा नं १का मनविर रावलको घर, चन्द्र रावलको भैंसी बाध्ने छानो,  वडा नं ५ का दल शाह र वडा नं ४ का बल कटुवालको घर पनि आंशिक रुपमा भत्किदा जोखिममा परेको प्रहरीले बताएको छ। त्यस्तै बुढीगंगा नगरपालिका ५ मा रहेको टाटे स्वास्थ्य चौकीको प्रसुती भवनको पानी राख्ने ट्याङकीको वाल भत्किएको छ भने पानी तताउने सोलावर प्यानल पुर्णरुपमा क्षति भएको छ। 

बुढीगंगा नगरपालिका ७ का चक्र केसी बुढिगंगा नगरपालिका ९ कोकिला सिंह, पदमबहादुर सिंहको घर पूर्णरूपमा क्षति भएको र वडा नं ६ का  नविन गिरीको घर पनि चर्केको प्रहरीले जानकारी दिएको छ। त्यस्तै भुकम्पले खप्तड छेडेदह गाउँपालिका ३ मा २० बढि घर भत्किएका वडा अध्यक्ष विर्कबहादुर रावतले बताएका छन्।


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.