विराटनगर: नेपालमै पहिलोपटक प्रदेश १ मा नेपाल उद्योग परिसंघ युवा उद्यमी मञ्च स्थापना हुने भएको छ ।
काठमाडौंको केन्द्रीय समितिपछि प्रदेश १ मा पहिलोपटक परिसंघको पहिलो अध्यायको रुपमा युवा उद्यमी मञ्च स्थापना हुने भएको हो ।
आईतबार विराटनगरमा पत्रकार सम्मेलन गर्दै परिसंघले कार्यक्रमबारे जानकारी दिएको छ । प्राप्त जानकारी अनुसार सोमबार विराटनगरस्थित होटल ह्यारिसन प्यालेसमा एक कार्यक्रमको आयोजना गर्दै युवा उद्यमी मञ्चको ७ सदस्यीय बोर्ड गठनको तयारी रहेको जनाईएको छ ।
उद्यमशीलता सिर्जना र युवा उद्यमीहरुलाई संगठित गर्ने उद्देश्यका साथ प्रदेश १ मा नेपाल उद्योग परिसंघ युवा उद्यमी मञ्च स्थापना गर्न लागिएको बताईएको छ । मञ्चले नवीन सोच र आईडिया भएका युवाहरुको उद्यमशीलता प्रर्वद्धनमा आवश्यक सहयोग गर्ने कार्यक्रमका सहसंयोजक अनमोल प्रधानले बताए ।
प्रदेश १ मा पहिलोपटक स्थापना हुन लागेको मञ्चले युवाहरुको उद्यममा आवश्यक लगानी र त्यसलाई बजारसँग जोड्ने विषयमा समेत आवश्यक भूमिका खेल्ने बताईएको छ ।
प्रतिक्रिया दिनुहोस !
