संघीयता आवश्यक छैन, निर्वाचित कार्यकारी प्रणाली आवश्यक : वामदेव गौतम
असार १७, २०८३ बुधबार १७:१३:३२
काठमाडौं : नेपाली कम्युनिष्ट पार्टी (नेकपा) का नेता वामदेव गौतमले राजनीतिक स्थिरताका लागि प्रत्यक्ष निर्वाचित कार्यकारी राष्ट्रपति प्रणाली आवश्यक रहेको बताएका छन् । पूर्व सांसद मञ्चले बुधबार काठमाडौंमा आयोजना गरेको कार्यक्रममा नेता गौतमले २०१५ सालदेखि हालसम्म कुनै पनि प्रधानमन्त्रीले आफ्नो ५ वर्षको पूर्ण कार्यकाल पुरा गर्न नसकेको भन्दै वर्तमान प्रणाली असफल भएको समेत बताए ।
उनले खर्चिलो निर्वाचन प्रणालीलाई सुधार्न पूर्ण समानुपातिक व्यवस्था आवश्यक रहेको समेत बताए । नेपालका लागि संघीयता आवश्यक नै नभएको भन्दै गौतमले संघीयता नै कायम गर्ने भए ‘केन्द्रीकृत व्यवस्था अन्तर्गतको संघीयता’ का रूपमा लैजानुपर्ने तर्क गरे । उनले राज्यले पूर्व सांसदहरुलाई सम्मान गर्न चाहे उनीहरुलाई उचित जिम्मेवारी दिन सुझाव दिए ।
प्रतिक्रिया दिनुहोस !
