झरी पर्नासाथ मलाई मेरो क्षेत्रको गाउँहरुको चिन्ता हुन्छ : निश्कल राई
जेठ ५, २०८३ मंगलबार १२:२७:२८
काठमाडौं : नेपाली कांग्रेसका सांसद निश्कल राईले पानी पर्यो कि आफूलाई आफ्नो जिल्ला इलामका पहिरोग्रस्त गाउँहरुको चिन्ता हुने गरेको बताएका छन् । प्रतिनिधिसभाको आजको वैठकको शून्य समयमा बोल्दै सांसद राईले थोरै पानी पर्दा पनि आफूलाई इलामको जमुना, समाल्बुङ, गोर्खे, प्याङलगायतको पीर हुने गरेको बताए ।
उनले गत वर्षको असोज २८ र २९ गतेको विपदले इलाममा ३९ जनाले ज्यान गुमाएको, ७११ परिवार विस्थापित, ९४० घरमा क्षति पुगेको जानकारी गराउँदै अन्य भौतिक पूर्वाधारमा क्षति पुगेको बताए । सांसद राईले मुख्य सडक यातायातमा पनि समस्या रहेको जानकारी गराए ।
विपद लगतै सरकारले इलामले विपद संकटग्रस्त क्षेत्र घोषणा गरेको बताउँदै सांसद राईले पुनर्निर्माण र पुनर्स्थापनामा ११ अर्ब ८१ करोड बढी लाग्ने अनुमान भए पनि सरकारले पाँच अर्ब ३० लाख मात्र सरकारले विनियोजन गरेको बताउँदै त्यसपछि के भयो भन्ने कुनै जानकारी नभएको बताए । उनले राजदुवाली र बेल्लासे सडक खण्डको समस्या समाधानका लागि आवश्यक पहल अगाडि बढाउनु पर्ने समेत माग गरे ।
प्रतिक्रिया दिनुहोस !
