बुटवल : ठूलो आवाज निकालेर चलाउने १९ मोटरसाइकललाई प्रहरीले नियन्त्रणमा लिएको छ। जिल्ला प्रहरी कार्यालय रुपन्देहीले समाजमा ध्वनी प्रदूषण गरिरहेका उक्त संख्याका बुलेट मोटरसाइकलहरु नियन्त्रणमा लिएको हो।
रातको समयमा बजारमा हो-हल्ला गर्ने र ठूलो आवाज निकालेर युवाहरूले मोटरसाइकल चलाइरहेको खबरपछि प्रहरीले चेकजाँचमा कडाइ गरेको थियो।
ट्राफिक नियम उल्लंघन गर्नेहरुविरुद्ध रुपन्देही प्रहरीले दिनहुँ चेकजाँचमा समेत कडाइ गरिरहेको छ। आफ्नो मातहत कार्यालयमा रहेका प्रहरीलाई चेकजाँचमा अझ कडाई गर्न निर्देशन दिइएको जिल्ला प्रहरी कार्यालय रुपन्देहीका सूचना अधिकारी एवं प्रहरी नायब उपरीक्षक कृष्ण कुमार चन्दले जानकारी गराए।
प्रतिक्रिया दिनुहोस !
