उदयपुर–२ को समानुपातिकतर्फ रास्वपा पहिलो हुँदा श्रम संस्कृति भन्दा तल नेकपा
फागुन २५, २०८२ सोमबार १०:३४:४५
उदयपुर : प्रतिनिधिसभा सदस्यका लागि उदयपुर–२ मा समानुपातिकतर्फ राष्ट्रिय स्वतन्त्र पार्टी (रास्वपा) ले पहिलो मत प्राप्त गरेको छ । आइतबार राति अबेर सम्पन्न मतपरिणाम अनुसार रास्वपाले १६ हजार ८०१ प्राप्त गरेको हो ।
यो मत सो क्षेत्रको प्रत्यक्षतर्फको भन्दा १ हजार ९९९ मत बढी हो । दोस्रो मत नेकपा एमालेलाई ६ हजार ५२४ आएको छ भने तेस्रोमा नेपाली कांग्रेसलाई ५ हजार ८१८ आएको हो । त्यस्तै चौथोमा श्रम संस्कृति पार्टीलाई ४ हजार ९९२ आएको छ भने पाँचौमा नेपाली कम्युनिष्ट पार्टी (नेकपा) लाई ४ हजार ६९५ मत आएको छ ।
समानुपातिकमा एमालेले प्रत्यक्षभन्दा १ हजार १२४ मत कम पाएको हो भने कांग्रेसको पनि १ हजार ४७२ मत कम हो । नेपाली कम्युनिष्ट पार्टीले पनि ४२२ मत कम पाएको छ । श्रम संस्कृतिले भने यहाँ ८५३ मत बढि समानुपातिकमा पाएको छ । निर्वाचन अधिकृतको कार्यालय उदयपुर–२ ले दिएको जानकारी अनुसार समानुपातिकतर्फको कुल मत ४५ हजार ७३ गणना हुँदा २ हजार ८८५ मत बदर भएको छ ।
प्रतिक्रिया दिनुहोस !
