उदयपुर : उदयपुरको प्रतिनिधि सभा क्षेत्र नम्बर–१ मा राष्ट्रिय स्वतन्त पार्टी (रास्वपा) का पारसमणि गेलाल बिजयी भएका छन् । गेलाल बिजयी हुँदा प्रमुख ठूला दललाईपछि पार्दै श्रम संस्कृति पार्टी निकटतम प्रतिद्वन्द्वी बनेको छ ।
सोमबार बिहान सम्पन्न मतपरिणाम अनुसार रास्वपका गेलालले श्रम संस्कृति पार्टीका राजेशकुमार राइलाई १८ हजार ९८४ मतको अन्तरले बिजयी भएका हुन् । मुख्य निर्वाचन अधिकृत मुकेश उपाध्यायका अनुसार गेलालले ३० हजार ५९० मत प्राप्त गरेका छन् । उनका निकटतम प्रतिद्वन्द्वी श्रम संस्कृतिका राईले ११ हजार ६०६ मत प्राप्त गरेका छन् ।
त्यसैगरी, नेपाली कम्युनिष्ट पार्टी (नेकपा) का बलदेव चौधरीले १० हजार २१, नेपाली कांग्रैसका बिदुर बस्नेतले नौं हजार ६७५, नेकपा एमालेका दुर्गाकुमार थापाले नौं हजार २०६ मत प्राप्त गरेका छन् । यस क्षेत्रमा नेपाली कांग्रेसका डा. नारायण खड्काले यसअघि लगातार बिजयी हुँदै आएका थिए । यो पटक प्रमुख ठूला पार्टी कांग्रेस, एमाले, नेकपाले ल्याएको मत जोड्दा समेत रास्वपाका गेलाललाइ भेटन सकेनन् ।
गेलालको ३० हजार ५९० मत आइरहँदा तीन पार्टीका उम्मेदवारको २८ हजार ९०२ पुगेको छ । जुन मत एक हजार ६८८ मतान्तर हो । यस क्षेत्रमा एक लाख ४२ हजार ८०४ कुल मतमध्ये ८० हजार ५८ मत खसेको छ । ३५ वटा वडा रहेको यस निर्वाचन क्षेत्रमा त्रियुगा, चौदन्डीगढी र बेलका नगरपालिका पर्दछन् ।
प्रतिक्रिया दिनुहोस !
