मलङ्गवा : सर्लाहीको इश्वरपुर नगरपालिका-१३ अन्तर्गत बाके संग्रामपुर सडक खण्डको ठिल्ला नजिक मोटरसाइकल दुर्घटना हुँदा २ जनाको मृत्यु भएको छ, भने २ जना समान्य घाइते भएका छन ।
मृत्यु हुनेमा हरिपुर्वा नगरपालिका ९ मिर्चैयाका अन्दाजी ३० वर्षीय मुकेश राय र सोही स्थानका अन्दाजी ३५ वर्षीय रामज्ञान राय रहेको जिल्ला प्रहरी कार्यालय सर्लाहीले जनाएको छ।
त्यसैगरी घाइते हुनेहरुमा हरिपुर्वा ९ का २२ वर्षीय बिक्रम राय र सोही स्थानका ४२ वर्षीय राम विश्वास राय रहेका छन। अन्दाजी राति ८ बजेको समय दुर्घटना भएको हो। कुन दिशाबाट सवारी साधन कता तिर गएको हो त्यो यकिन हुन नसकेको प्रहरीले जनाएको छ।
दुर्घटनामा परी गम्भीर घाइते भएका मुकेश र रामज्ञानलाई लालबन्दीको मोडेल अस्पतालमा समान्य उपचार पश्चात थप उपचारका प्रादेशिक अस्पताल मलङ्गवा पठाउदा राती १० बजे तिर चिकित्सकले मृत घोषणा गरेको थियो।
समान्य घाइते भएका बिक्रम र राम विश्वासलाई उपचार पश्चात प्रहरीले नियन्त्रणमा राखेको छ। उनीहरुलाई ईलाका प्रहरी कार्यालय केशरगन्जमा राखिएको प्रहरीले जनाएको छ। घटनाबारे थप अनुसन्धान भइरहेको प्रहरीले जनाएको छ।
प्रतिक्रिया दिनुहोस !
