अर्घाखाँची : अर्घाखाँचीको सन्धिखर्क नगरपालिकाले प्लास्टिकका माला, पटका बिक्रीवितरण गर्न रोक लगाएको छ।
नगरपालिकामा व्यवसायीसँग भएको छलफल पछि तिहारमा फुलको माला लगाउन प्रेरित गर्न प्लास्टिकका माला बिक्रीवितरणमा रोक लगाइएको नगर प्रमुख कृष्णप्रसाद श्रेष्ठले बताए।
बैठकले फुलको स्थानीय तथा स्वदेशमा हुने उत्पादनलाई बढवा दिन प्लास्टिकका माला बिक्रीमा असोज २३ गते देखिनै रोक लगाउने निर्णय गरिएको निमित्त प्रमुख प्रशासकीय अधिकृत मञ्जु खनालले बताइन्।
प्लास्टिकका माला बिक्रीवितरण गर्ने, पटका तथा पटका जन्य पदार्थ बिक्री गर्ने तथा पड्काउने गरेको खण्डमा कानुन अनुसार कारबाही गरिने निर्णय भएको नगरपालिकाका प्रशासकीय अधिकृत मुक्ति खनालले बताए।
प्रतिक्रिया दिनुहोस !
