बाजुरा : बडिमालिका नगरपालिका-२ भौनेरा नजिक खडीगाडमा ट्याक्टर दुर्घटना हुँदा ४ जनाको मृत्यु भएको छ। मार्तडीबाट गौमुल गाउँपालिका जाँदै गरेका सु.प्र.प्र ०१००२ त ४१०५ र लु ४ त ७३०५ नम्बरका ट्याक्टर एक आपसमा ठोक्किएर दुर्घटना भएको जिल्ला प्रहरी कार्यालय बाजुराले जानकारी दिएको छ ।
प्रहरीका अनुसार गौमुल गाउँपालिका-६ का चालकसमेत रहेका हिक्मत रोकाया, बडिमालिका नगरपालिका-१ का चन्द्र बहादुर दानी, बडिमालिका नगरपालिका-२ का देवराज जैशी र सोही वडाकी करिस्मा रोकायाको मृत्यु भएको हो।
अगाडिको ट्याक्टरलाई ओभरटेक गर्न खोज्दा एक आपसमा ठोक्किँएर दुर्घटना भएको प्रहरीले जनाएको छ । एउटा सडकभन्दा १ सय मिटर तल खसेको छ भने अर्को ट्याक्टर सडकको माथिल्लो नालीमा पल्टिएको थियो।
प्रतिक्रिया दिनुहोस !
