नुवाकोट : फलफुल खेती विस्तार र वन क्षेत्रको संरक्षणका लागि नुवाकोटमा किसानलाई ८५ हजार बिरुवा वितरण गरिएको छ। फलफुलका बिरुवासमेत किसानले आआफ्ना खेत बारीमा लगेर रोपण गरेका छन्।
किसानहरुको माग र आवस्यकता अनुसार पहाडी संरचना रहेको नुवाकोटको १२ वटै स्थानीय तहमा रहेका किसानलाई वन समूहहरुमार्फत फलफुल, काष्ठजन्य तथा गैह्र काष्ठजनय बिरुवा वितरण गरिएको हो। डिभिजन वन कार्यालय नुवाकोटले आफ्नो विदुरस्थित नर्सरी र खरिद गरेरसमेत फलफुल तथा अन्य बिरुवा वितरण गरेको कार्यालय प्रमुख दीर्घनारायण कोइरालाले जानकारी दिए।
कार्यालयले सर्वसाधारणलाई १८ हजार दुई सय ५० वोट फलफुल, ३८ हजार ६ सय ६४ वोट काष्ठजन्य बिरुवा वितरण गरिएको सहायक वन अधिकृत कमल घिमिरेले जानकारी दिए। घिमिरेका अनुसार गत असारदेखि साउन मसान्तसम्मको अवधिमा कार्यालयले कागती सात हजार, अमला ६ हजार चारसय ६५, पिकानट एक हजार, मेकाडामियानट एक हजार, अम्बा आठसय ८२, कटहर नौसय २४, तित्रि तीनसय ६३, लप्सी तीनसय ७२ र किम्वु वितरण गरिएको हो।
किसान तथा वन समूहहरुलाई ५ हजार ५ चसय बोट टिम्मुर, बाँस २ हजार ५ सय र लोठसल्ला ६ हजार थान वितरण गरिएको डिभिजन वन कार्यालय नुवाकोटले जनाएको छ। यसका साथै कार्यालयले सजाउने बिरुवाहरु चार हजार आठसय ३२ थान कल्कीफूल, १४७ बोट श्रीखण्ड र १०५ थान गोल्डमेहर वितरण गरिएको अर्का सहायक वन अधिकृत राजकुमार यादवको भनाइ छ।
कार्यालयले फलफुलका साथै काष्ठजन्य चांप, राइखन्यु, तेजपात, साज, खोटेसल्ला, सल्लोलगायतका बिरुवा वितरण गरेको हो। वन कार्यालयले लोठसल्ला ६ हजार बोट किसान तथा वन समूहलाई वितरण गरिएको अधिकृत यादवको भनाई छ।
प्रतिक्रिया दिनुहोस !
