काठमाडौं : उचित मूल्य नपाएको भन्दै किसानले गोलभेडा सडकमा फालेर आन्दोलनमा उत्रिएका छन्। उत्पादनको उचित मूल्य नपाएको भन्दै उनीहरूले बुधबार काठमाडौंको माइतिघरमा सडकमा नै गोलभेडा सडकमा फालेर आन्दोलन गरेका हुन् ।
किसानले गोलभेडा तथा अन्य तरकारीको न्यूनतम समर्थन मूल्य तोक्न माग गरेका छन् । प्रदर्शनमा उत्रिएका किसानले कृषि बीमा लागू गर, एक वडा एक सित भण्डार व्यवस्थापन गर, किसानहरुलाई सही बजार व्यवस्थापन गर लगायत लेखिएका प्लेकार्ड देखाउँदै नाराबाजी गरे।
प्रदर्शनमा सहभागी तरकारी किसान आकाश कार्कीले किसानले उत्पादन गरेका कृषि बस्तुको उचित मूल्य पाउन नसकेको र बिचौलिया हावी भएको बताए।
हरियो क्रान्ति लेखिएको व्यानरमा प्रदर्शनमा उत्रिएकाहरूले किसानको पसिनाको उचित मूल्य पाउनुपर्ने, बिचौलियाको खेल अन्त्य हुनुपर्ने, किसानलाई सहुलियत ऋणको व्यवस्था हुनुपर्ने, समयमै मल र बीउ सुनिश्चित गर्नुपर्ने लगायतका माग राखेका छन् ।
प्रतिक्रिया दिनुहोस !
