माइतीघरमा प्रदर्शन गर्न खोज्ने निकोलस भुसालसहित १५ जना पक्राउ
असोज २३, २०८२ बिहीबार १२:४८:४१
काठमाडौं : काठमाडौंको माइतीघर क्षेत्रमा प्रदर्शन गर्न खोज्ने डा. निकोलस भुसालसहित केहि युवालाई प्रहरीले नियन्त्रणमा लिएको छ । जेनजीको माग सम्बोधन नभएको भन्दै माइतीघरमा प्रदर्शनका लागि पुगेका भुसालसहित १५ भन्दा बढि युवालाई प्रहरीले नियन्त्रणमा लिएको हो ।
माइतीघरमा प्रदर्शनका लागि काठमाडौं प्रशासनले कसैलाई पनि अनुमति नदिएकाले प्रदर्शन गर्न पुग्नेलाई नियन्त्रणमा लिइएको प्रहरीले जनाएको छ ।
जेनजीका नाममा हुने प्रदर्शनलाई मध्यनजर गर्दै माइतीघरदेखि बानेश्वर क्षेत्रमा सुरक्षा व्यवस्था कडा बनाइएको छ भने बाक्लो संख्यामा सुरक्षाकर्मी तैनाथ गरिएको छ ।
प्रतिक्रिया दिनुहोस !
