पोखरा : १२ औं अन्तर्राष्ट्रिय योग दिवसको अवसरमा पोखरामा योगाभ्यास गर्दै मनाइएको छ । भारतीय राजदूतावासको आयोजनामा पर्यटकीय राजधानी पोखराको रङ्गशालामा योगाभ्यास गरेर योग दिवस मनाइएको हो ।
यस वर्ष स्वस्थ उमेरका लागि योग भन्ने नाराका साथ योग दिवस विश्वभर मनाइएको छ । प्रत्येक वर्षको जुन २१ मा योग दिवस मनाइन्छ । पोखरा रङ्गशालामा भएको कार्यक्रममा गण्डकी प्रदेशका मुख्यमन्त्री सुरेन्द्रराज पाण्डे, भारतीय राजदूत नवीन श्रीवास्तवसहित ठूलो संख्यामा पोखरेलीको सहभागिता थियो ।
भारतीय राजदूतावासको आयोजनामा पोखरामा चौंथो पटक योग दिवस मनाइएको हो । योग अभ्यासपछि पत्रकारसँग कुरा गर्दै गण्डकी प्रदेश सरकारका मुख्यमन्त्री सुरेन्द्रराज पाण्डेले स्वस्थ जीवन, तन्दुरुस्ती र अनुशासनका लागि योग आवश्यक रहेको बताए ।
भारतीय राजदूतावासका फस्र्ट सेक्रेटरी वशिष्ठ नन्दनले योग दिवसको अवसरमा आयोजित कार्यक्रममा सहभागी पोखरेलीलाई स्वागत गरेका थिए । यस्ता कार्यक्रमले भारत र नेपालबीचको सम्वन्ध अझै मजबुत हुने पनि उनले बताए । २०१६ देखि २१ जुनमा विश्वभर अन्तर्राष्ट्रिय योग दिवस मनाउन थालिएको हो ।
प्रतिक्रिया दिनुहोस !
