गोरखा : ट्याक्टर दुर्घटना हुँदा गोरखामा १३ वर्षका एक बालकको मृत्यु भएको छ। भीमसेनथापा गाउँपालिका - २ रातामाटेमा ना ६ त ६०५९ नम्बरको ट्याक्टर दुर्घटना हुँदा भीमसेनथापा - ३ माथिल्लोगाउँका १३ वर्षका विक्रम बस्यालको मृत्यु भएको हो ।
गोरखाबजारबाट निर्माण सामग्री बोकेर आरुघाटतर्फ जाँदै गरेको ट्याक्टर मध्यराती १:३० बजे बाटोबाट करिब ३० मिटर तल खोल्सामा खसेको जिल्ला प्रहरी कार्यालय गोरखाले जनाएको छ ।
दुर्घटनामा सिरानचोक - ८ जौबारीका ट्याक्टर चालक राजन परियार र विक्रम बस्याल घाइते भएका थिए । उनीहरूलाई उपचारका लागि प्रदेश अस्पताल गोरखा ल्याएकोमा राती ३:३० बजे मृत्यु भएको डीएसपी राजकुमार श्रेष्ठले जानकारी दिए ।
प्रतिक्रिया दिनुहोस !
