काठमाडौं : गीतकार कल्याण श्रेष्ठको नयाँ गीतिएल्बम शुक्रबार सार्वजनिक भएको छ। काठमाडौंमा कार्यक्रम आयोजना गर्दै श्रेष्ठले ‘नबुझिएको जिन्दगी’ नामक गीतिएल्बम सार्वजनिक गरेका हुन्।
गीतकार श्रेष्ठ पूर्वप्रधानन्यायाधीश हुन्। उनको एल्बममा पाँच गीत रहेका छन्। उक्त एल्बमा रहेको ‘जिन्दगी’ बोलको गीतमा महेश खड्काको संगीत र विनोद राईको स्वर छ। त्यसैगरी राज सिक्देलको स्वर रहेको ‘तिमीसँग’ बोलको गीतमा भने सुनील मास्केको संगीत छ।
एल्बमको ‘एक झलक’ बोलको गीतमा रवि ओडको स्वर र महेश खड्काको संगीत रहेको छ। त्यसैगरी, ‘कहिले आँखाले’ बोलको गीतमा रुपक चौधरीको स्वर छ भने सुदेश शर्माले संगीत भरेका छन्।
एल्बमको अर्को गीतम ‘मेरो भगवान’ मा संगीता शाक्य थापाको स्वर र सुदेश शर्माको संगीत रहेको छ। श्रेष्ठको उक्त एल्बममा ‘जिन्दगी’ र ‘तिमीसँग’को म्युजिक ट्रयाक पनि समावेश गरिएको छ।
प्रतिक्रिया दिनुहोस !
