नयाँ दिल्ली : जर्मन चान्सलर ओलाफ स्कोल्जले फेब्रुअरी २५ र २६ मा भारतको राजकीय भ्रमण गर्ने भएका छन्। भारतीय विदेश मन्त्रालयले यसको पुष्टि गर्दै चान्सलर स्कोल्जका साथमा वरिष्ठ अधिकारीहरू र उच्च पदस्थ व्यक्तिहरूका साथै व्यापारिक प्रतिनिधिमण्डल पनि रहने जानकारी दिएको छ।
उनी फेब्रुअरी २५ मा नयाँ दिल्ली आइपुग्नेर फेब्रुअरी २६ मा बेंगलुरु जाने मन्त्रालयको प्रेस विज्ञप्तिमा उल्लेख गरिएको छ। सन् २०११ मा द्विवार्षिक अन्तर-सरकारी परामर्श संयन्त्र सुरु भएदेखि जर्मन चान्सलरको भारतको यो पहिलो भ्रमण हो। सो अवसरमा दुवै देशका मन्त्रीहरूले आ-आफ्नो जिम्मेवारीका विभिन्न क्षेत्रमा छलफल गर्ने तयारी गरिएको छ।
प्रधानमन्त्री र चान्सलर बीच द्विपक्षीय, क्षेत्रीय र विश्वस्तरीय महत्त्वका विभिन्न विषयमा छलफल हुने मन्त्रालयले जनाएको छ।
चान्सलर स्कोल्जको भ्रमणले दुबै पक्षलाई छैठौं आईजीसीको मुख्य नतिजाहरूको विकसित विषयबारे भएको प्रगति, सुरक्षा र रक्षा सहयोगलाई सुदृढ गर्ने, दुवै पक्षका लागि आर्थिक सम्बन्धका लागि काम गर्ने, अवसर बढाउने लगायतका विषषमा छलफल गर्न मद्दत पुग्ने विश्वास गरिएको छ। चान्सलर स्कोल्जले राष्ट्रपति द्रौपदी मुर्मुलाई पनि भेट्ने कार्यक्रम छ। उनलाई राष्ट्रपति भवनको प्रांगणमा औपचारिक स्वागत गरिने कार्यक्रम तय भएको छ।
प्रतिक्रिया दिनुहोस !
