हेटौंडा : हतियार तथा विष्फोटक पदार्थ मकवानपुर प्रहरीले एकजनालाई पक्राउ गरेको छ । पूर्व पश्चिम राजमार्ग अन्तर्गत हेटौंडा–३ स्थित लेवटबाट बिहीबार बिहान करिब छ बजे स्थानीय जोकर मोक्तानलाई प्रहरीले पक्राउ गरेको हो ।
नियमित चेकजाँचको क्रममा म्याजिक भ्यानमा यात्रुको रुपमा आएका ३७ वर्षीय अनिल भन्ने मोक्तान प्रहरी ंदेख्ने बित्तिकै भागेका थिए । भाग्ने क्रममा प्रहरीले उनलाई पक्राउ गरेको हो ।
प्रहरी टोलीले कटुवा पेस्तोल तीन थान,उक्त पेस्तोलमा प्रयोग हुने गोली ११ थान,३०३ राइफल गोली एक थान,सुतली बम एक थान र नेपाल प्रहरीले प्रयोग गर्ने पोशाकसहित मोक्तानलाई पक्राउ गरेको मकवानपुर प्रहरी प्रमुख प्रहरी उपरीक्षक विकासराज खनालले जानकारी दिए ।
फरार अन्य दुई जनाको खोजी कार्य भइरहेको उनले बताए । ‘म्याद थप गरी अनुसन्धान अघि बढाएका छौं’,प्रहरी उपरीक्षक खनालले भने ।
प्रतिक्रिया दिनुहोस !
