पसलमा आगलागी हुँदा २० लाखको धनमाल नष्ट
बुटवल : बुटवलको एक वालवालिकाको सामान बिक्री गर्ने पसलमा आगलागी भएको छ । बुटवल- ११ शान्तिचोकमा रहेको ह्याप्पी किड्स एण्ड बेबी ल्याण्डमा आगलागी हुँदा २० लाख बराबरको धनमाल क्षति भएको हो ।
आज बिहान साढे ६ बजे पसलमा आगो लागेको हो । पसल एक महिना अघिमात्रै सञ्चालनमा आएको थियो । विद्युतको मिटर बक्सबाट आगो निस्किएर सामान जलेको सञ्चालक निरञ्जन पन्तले बताए । विद्युतको भोल्टेज अनियमित हुँदा आगलागी भएको बताइएको छ ।
आगलागी भएको केही समयमै बुटवल उपमहानगरपालिकाको दमकललाई खबर गरेपनि ढिलो आउदा सबै सामान नष्ट भएको पन्तले बताए । स्थानीयले समयमा दमकल नपठाउने बुटवल उपमहानगरपालिका र विद्युत कार्यालयको लापरबाहीले ठूलो धनमाल नष्ट भएको भन्दै आक्रोश व्यक्त गरेका छन् ।
प्रतिक्रिया दिनुहोस !
