काठमाडौं : टीभीएस जगदम्बा मोटर्सको आधिकारिक डिलर जी मोटर्स प्रालिले मेगा ब्याङवेट रविभवनमा बिहीबारदेखि मेला आयोजना गरेको छ । कम्पनीले मेलामा गुडे पनि नगुडेपनि २५ हजार मूल्यांकन पाइने जनाएको छ ।
यस योजनामा टीभीएसले पुराना जुन सुकै कन्डिसनका जुन सुकै ब्रान्डका पुराना बाइक तथा स्कुटरको कम्तीमा २५ हजार रुपैयाँ प्रदान गर्ने जनाएको छ । यो योजनामा जति वर्षदेखि कर नतिरेको भए पनि साट्ने अवसर कम्पनीले ल्याएको छ ।
टीभीएस ब्रान्ड अपाचे आरटीआर, स्ट्राइकर, फिनिक्स, स्टारसिटी, विगो, जुपिटर, जेस्ट र ड्याजका सबै रेन्जका नयाँ बाइक तथा स्कुटर यस कार्यक्रममा साटेर लान सकिने कम्पनीले जनाएको छ । कम्पनीले बजारमा भएका सबै मोडलमा पाँच वर्षको वारेन्टी समेत प्रदान गर्दै आएको छ । जी मोटर्सका प्रबन्ध सञ्चालक कैलाशबाबु गेलालले अहिले नेपालमा टीभीएस ब्रान्ड रुचाइएको ब्रान्ड भइसकेको बताए । उनका अनुसार अहिलेको नयाँ पुस्ताले टीभीएसका सबै रेन्जलाई ग्राहकले मन पराएका छन् ।
प्रतिक्रिया दिनुहोस !
