नुहाउन गएकी महिलाको सुनकोशीमा डुबेर मृत्यु
![नुहाउन गएकी महिलाको सुनकोशीमा डुबेर मृत्यु](https://annapurnapost.prixacdn.net/media/albums/Death-body_20180706101931_1_20180901025337_d5W0ldnCGa_0Ni04gmmo7.jpg)
सिन्धुली : सुनकोसी नदीमा नुहाउन गएकी एक महिलाको मृत्यु भएको छ । मृत्यु हुनेमा गोलन्जोर गाउँपालिका -६ हैबारबेसीमा डेरा गरी बस्ने मुकाबहादुर हायुकी श्रीमती ३० वर्षीय चन्द्रकला हायु रहेकी छिन ।
सोमबार दिउँसो सुनकोसी नदीमा नुहाउन जाँदा हायुको डुबेर मृत्यु भएको प्रहरीले जनाएको छ । ढुङ्गामा चिप्लिएर नदीमा वेपत्ता भएपछि खोजी गर्दा सुनकोस नदीको बीच भागमा शव फेला परेको जिल्ला प्रहरी कार्यालय सिन्धुलीका प्रमुख गोविन्दराज काफ्लेले जानकारी दिए ।
'नुहाउने क्रममा चिप्लिएर नदीमा डुबेकी हायूको स्थानीय प्रहरी र आफन्तले खोजतलास गरी शव फेला परेको र पोष्टमार्टमका लागि सिन्धुली अस्पताल ल्याइएको छ,’प्रहरी प्रमुख काफ्लेले भने।
घटनाका बारेमा अनुसन्धान भइरहेको प्रहरीले जनाएको छ। हायुको स्थायी घर गोलन्जोर गाउँपालिका ६ कै मेवाबोट हो ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)