सुर्खेत जीप दुर्घटना, मृतक ४ जनाकै सनाखत
![सुर्खेत जीप दुर्घटना, मृतक ४ जनाकै सनाखत](https://annapurnapost.prixacdn.net/media/albums/accident_RXPpsnMqMA_zj27Aj3Yp7.jpg)
सुर्खेत : सुर्खेतबाट कालिकोट जाँदै गरेको बोलेरो जीप सुर्खेतको रातानाङ्गला नजिकै दुर्घटना हुँदा मृत्यु भएका चारै जनाको सनाखत भएको छ। सुर्खेत-दैलेख खण्डको वीरेन्द्रनगर-१४ टाकुरी मोडमा बोलेरो जीप दुर्घटना भइ मृत्यु हुनेमा ३ जना कालिकोट शुभकालिका-३ का रहेका छन् भने एकजना दैलेख भैरवि गापा-४ का रहेका प्रहरीले जनाएको छ।
मृत्यु हुनेमा कालिकोट शुभकालिका-३ का तन्त बिक, नमराज बिक र बिरेन्द्र बिक रहेका छन्। त्यस्तै भैरवि गापा-४ का महेन्द्र शाही रहेका जिल्ला प्रहरी कार्यालय सुर्खेतले जनाएको छ।
त्यस्तै दुर्घटनामा घाइते भएकाहरु कालिकोट शुभकालिका-३ का नरि बिक र कालिकोट खाडाचक्र नपा-९ पाखाका नरेन्द्र बिष्ट(चालक) रहेका जिल्ला प्रहरी कार्यालय सुर्खेतका सुचना अधिकारी डिएसपी बिरेन्द्रबिर बिश्वकर्माले बताए। घाइतेहरुको प्रदेश अस्पताल सुर्खेतमा उपचार भइरहेको छ। प्रहरीका अनुसार जीप बिहीबार बिहान २ बजे दुर्घटना भएको हो।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)