महोत्तरी : असह्य रुपमा गर्मी भएपछि महोत्तरीका दुई पालिकाले सामुदायिक विद्यालयमा गर्मी बिदा दिएका छन्। जिल्लाको सोनमा गाँउपालिका र वर्दिवास नगरपालिकाले नगरभरिमा सामुदायिक विद्यालयहरुमा गर्मी बिदा दिएका हुन्।
सोनमाका शिक्षा शाखा संयोजक राजकुमार साहका अनुसार जेठ १७ र १८ गते दुई दिनका लागि पठनपाठन बन्द हुने गरी विद्यालयमा बिदा दिइएको जनाएको छ । सो बिदा वर्षे बिदाबाट कट्टा हुने गरी मिलाइएको संयोजक साहले जानकारी दिए ।
यता बर्दिवास नगरपालिकाले एक विज्ञप्त जारी गर्दै सामुदायिक ,संस्थागत तथा धार्मिक विद्यालयमा जेठ १७ गतेदेखि जेठ २० गतेसम्म ४ दिनको बिदा दिइएको हो ।
उच्च तापमानका कारण विद्यालयका विद्यार्थीहरूमा हुन सक्ने समस्यालाई मध्य नजर गर्दै बर्दिवास नगरपालिका भित्रका सबै सामुदायिक, संस्थागत तथा धार्मिक विद्यालयमा गर्मी बिदा दिइएको मेयर प्रल्हादकुमार क्षेत्रीले जानकारी दिए । गर्मीका कारण पठन पाठनमा समस्या देखिएकाले तत्कालका लागि बर्खे बिदाबाट कट्टा हुने गरी बिदा दिइएको बर्दिवास नगरपालिकाका मेयर प्रह्लाद कुमार क्षेत्रीले बताए । उनले भने, ‘गर्मी तथा लू का कारण बालबालिकाको स्वास्थ्यमा प्रत्यक्ष असर पर्न सक्ने भएकाले विद्यालयमा बिदा दिइएको हो ।
पछिल्लो समयमा महोत्तरीको तापमान ४८ डिग्री सेल्सियससम्म पुगेपछि गर्मीले स्थानीयको जनजीवन प्रत्यक्ष रुपमा प्रभावित भएको छ।
प्रतिक्रिया दिनुहोस !
