काठमाडौं : नेपालमा अनर म्याजिक६ प्रोको प्रि-बुकिङ सुरु भएको छ। नेपालका लागि अनरको आधिकारिक वितरक सेलट्रोन नेपालले बहुप्रतिक्षित एआई फ्ल्यागसिप नेपालमा ल्याएको हो। यसको प्रि-बुकिङ मे २१ बाट सुरु भई ३१ मेसम्म जारी रहनेछ।
प्रतिष्ठित अनर म्याजिक शृंखलाको फ्ल्यागशिप लाइनअपमा सबैभन्दा नयाँ थपिएको अनर म्याजिक६ प्रो जसले फोटोग्राफी, डिस्प्ले, कार्यसम्पादन, र एआई-सञ्चालित प्रयोगकर्ता अनुभवहरूमा राम्रो तारिफ बटुलेको छ।
अनर म्याजिक६ प्रो कालो र एपी ग्रीन गरि दुई सुन्दर रंगमा उपलब्ध हुनेछ जसमा एपी ग्रीन भेगन लेदर ब्याकको साथ आउदछ। यो फोन (१२+५१२) जीबी भेरियन्टमा आउँछ। जसको मूल्य १ लाख ५९ हजार ९९९ रुपैयाँ तोकिएको छ। फोन प्रि-अर्डर गरेका ग्राहकहरूले २१ हजार ९९० रुपैयाँ मूल्यको अनर Watch 4 नि:शुल्क प्राप्त गर्नेछन्।
साथै VIP कार्ड पनि प्राप्त हुनेछ जसमा १ वर्षको लागि नि:शुल्क सेवाहरू, अनर मोडेल मा छुट र अन्य धेरै सुविधाहरू समावेश छन्। ग्राहकहरूले यसलाई अफलाइन रिटेल स्टोरहरू र दराज र HUKUT जस्ता अनलाइन प्लेटफर्महरू मार्फत पनि खरिद गर्न सक्नेछन्।
प्रतिक्रिया दिनुहोस !
