यार्सागुम्बा र च्याउसहित २ जना पक्राउ
![यार्सागुम्बा र च्याउसहित २ जना पक्राउ](https://annapurnapost.prixacdn.net/media/albums/E0A59F_wFAwWxN36m_JC65zHiaND.jpg)
सिन्धुपाल्चोक : यार्सागुम्बा र ढ्याङ्ग्रो च्याउसहित सिन्धुपाल्चोकमा दुई जना पक्राउ परेका छन्।
बाह्रबिसे नगरपालिका–३ खुर्सानीबारीस्थित प्रहरी चेक पोष्टमा सवारी साधन जाँच गर्ने क्रममा बिहीबार भोटेकोशी गाउँपालिका-५ का २६ वर्षीय वाङ्गेल तामाङ र २४ वर्षीय पासाङ नुर्पु तामाङ पक्राउ परेका हुन्।
प्रहरीका अनुसार तातोपानीबाट बाह्रबिसेतर्फ आउँदै गरेको बाप्र०२–०३७ प २८७५ नम्बरको मोटरसाइकलमा जाँच गर्ने क्रममा यार्सागुम्बा र ढ्याङ्ग्रो च्याउ फेला परेको थियो।
पक्राउ परेकाहरुको साथबाट शून्य दशमलव २० ग्रामका १ हजार ७० थान यार्सागुम्बा र शून्य दशमलव ६६ ग्राम बराबरको साना ठूला गरि ७३ थान ढ्याङ्ग्रो च्याउ बरामद गरिएको प्रहरी नायव उपरीक्षक निरन्जन भट्टराईले बताए। पक्राउ परेका उनीहरूलाई आवश्यक कारबाहीका लागि डिभिजन वन कार्यालय चौतारा पठाइएको प्रहरीले जनाएको छ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)