अब आन्तरिक कलह हट्नुपर्छ : इजरायली प्रधानमन्त्री नेतान्याहु
![अब आन्तरिक कलह हट्नुपर्छ : इजरायली प्रधानमन्त्री नेतान्याहु](https://annapurnapost.prixacdn.net/media/albums/Netanyahu-1-5a102c7babeb40.22077695_mXk36QPTDQ_qnnFbVUScE.jpg)
इजरायलका प्रधानमन्त्री बेन्जामिन नेतान्याहुले बिहीबार मोसादको मुख्यालय (इजरायलको अन्तर्राष्ट्रिय गुप्तचर एजेन्सी) भ्रमण गर्ने क्रममा निर्देशक डेभिड बार्निया र डिभिजन प्रमुखहरूको फोरमसँग भेटवार्ता गरेका छन्।
भेटवार्तामा उनले विभिन्न क्षेत्रका क्षेत्रीय घटनाक्रमबारे छलफल गरेको स्रोतले जनाएको छ । प्रधानमन्त्री र मोसाद निर्देशकले बन्धकहरूलाई सकेसम्म चाँडो घर फर्काउन निरन्तर प्रयासको महत्त्वलाई उजागर गर्दै युद्धको समयमा देशमा एकताको आवश्यकताबारेमा छलफल गरेको जनाइएको छ ।
'उनीहरू हामीलाई नष्ट गर्न आएकाले यो छुट्टी फरक छ, यो इरान र हमासलगायत प्रोक्सीहरूको दुष्टताको केन्द्रबाट धेरै मूर्त छ', भेटमा प्रधानमन्त्री नेतान्याहुले भने, 'अर्कोतर्फ दासत्वबाट मुक्तिसम्मको अवस्थामा यो पक्ष धेरै मूर्त छ । गाजामा अझै पनि राक्षसी प्रवृत्ति हावी छ ।'
'हामी गाजामा आतङ्कवादलाई हराउन, बन्धकहरूलाई मुक्त गर्न र इरानसहितका खतरालाई हटाउन प्रतिबद्ध छौँ', उनले भने, 'यो ठूलो कामका लागि दुई कुराको आवश्यकता छ, पहिलो दृढ सङ्कल्प र अर्को एकता ।'
'सबैभन्दा पहिला राष्ट्र बाहिरी दबाबले नभई आन्तरिक कलहले टुक्रिन्छ', नेतान्याहुले इजराइलमा आन्तरिक विभाजनका कारण हुने समस्याबारे भने, 'हामी अस्तित्वको खतरामा भएकाले अब आन्तरिक कलहलाई हराउनु पर्छ र अस्तित्वको खतराको सामना गर्न हामीले सेनालाई एकताबद्ध बनाउनुपर्छ र तिनीहरूलाई विभाजित गर्नुहुन्न ।' रासस
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)