दोलखामा नदीमा नुहाउन गएका दुई जना बेपत्ता
![दोलखामा नदीमा नुहाउन गएका दुई जना बेपत्ता](https://annapurnapost.prixacdn.net/media/albums/AnnapurnaPost_News_20180807050555_kJXtsdo6mK.jpg)
दोलखा : गौरीशंकर गाउँपालिका –८ खारेका दुई पुरुष तामाकोशीमा पौडी खेल्ने क्रममा बेपत्ता भएका छन्।
गौरीशंकर गाउँपालिका-८ टुयिनटारमा नजिकै तामाकोसी नदीमा नुहाउने क्रममा दुई जना बेपत्ता भएका हुन्। शुक्रबार अपरान्ह मलाम गएका २७ वर्षीय जयबहादुर तामाङ र २५ वर्षीय सिमबहादुर तामाङ तामाकोसी नदीमा नुहाउने क्रममा बेपत्ता भएको प्रहरीले जनाएको छ।
प्रहरीका अनुसार घटनास्थलबाट सिमबहादुरले बोकेको खुकुरी र ज्याकेट तथा जयबहादुरको ट्रयाक र मोबाइल फेला परेको छ। बेपत्ता भएकाहरूको स्थानीयले खोजी कार्य जारी राखेका छन्। बेपत्ताको खोजीका लागि प्रहरी पनि घटनास्थलमा खटिएको इलाका प्रहरी कार्यालय सिंगटीले जनाएको छ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)