एसीसी प्रिमियर कप : फाइनल प्रवेशका लागि नेपाल र युएईबीच प्रतिस्पर्धा हुँदै
![एसीसी प्रिमियर कप : फाइनल प्रवेशका लागि नेपाल र युएईबीच प्रतिस्पर्धा हुँदै](https://annapurnapost.prixacdn.net/media/albums/nepal_cricket_eam1_wLsBTTtmv1_D87TJFWHOP_9XvT3yqw5j_5WCEnPS5Lr.png)
काठमाडौं : एसीसी प्रिमियर कपको फाइनल प्रवेशका लागि आज नेपाल र युएईबीच प्रतिस्पर्धा हुँदैछ। ओमानको अल अमेरत क्रिकेट मैदानमा हुने खेल नेपाली समयअनुसार बिहान ११ :४५ बजेबाट सुरू हुनेछ।
नेपाल 'ए' को समूहको विजेता र युएई समूह 'बी ' को उपविजेता हुन्। नेपाल समूह 'ए' बाट ४ खेलमा ८ अंकका साथ शीर्ष स्थानमा रहेर समूह विजेता बन्दा युएई ४ खेलमा तीन जित र एक हारसँगै उपविजेताका रुपमा सेमिफाइनलमा पुगेका हुन्।
यसअघिको संस्करणमा नेपालले युएईलाई फाइनलमा हराउँदै च्याम्पियन बनेको थियो भने एसिया कपसमेत खेलेको थियो। टी-२० विश्वकप छनोटमा पनि नेपालले युएईलाई पराजित गरेको थियो। नेपाल र युएई मुख्य प्रतिद्वन्द्वी रहँदै आएको छ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)