दाङबाट रुकुम जाँदै गरेको बस सल्यानमा दुर्घटना : १४ जना घाइते, चारको अवस्था गम्भीर
वैशाख ५, २०८१ बुधबार १२:३४:३१
दाङ : सल्यानमा बस दुर्घटना हुँदा १४ जना घाइते भएका छन्। बुधबार बिहान दाङबाट रुकुमका लागि हिँडेको बस सल्यानको बागचौर नगरपालिका–२ ठिनबाँङमा दुर्घटना हुँदा १४ जना घाइते भएका हुन्।
रा १ ख २०८५ नं को बस बागचौर–२ ठिनबाँङस्थित पुलबाट खस्दा दुर्घटना भएको लुम्बिनी प्रदेश प्रहरी प्रमुख प्रहरी नायब महानिरीक्षक कुवेर कडायतले जानकारी दिए। । उनका अनुसार घाइतेमध्ये चारजनाको अवस्था गम्भीर छ ।
घाइतेहरूलाई उपचारका लागि थारमारेस्थित अस्पताल तथा जिल्ला अस्पताल सल्यान पठाइएको छ। दुर्घटनाबारे थप विवरण आउन बाँकी रहेको प्रहरीले जनाएको छ।
प्रतिक्रिया दिनुहोस !
