नुवाकोट : नुवाकोटमा युवकको हत्या आरोपमा वृद्ध पक्राउ परेका छन्। नुवाकोट ककनी गाउँपालिका-२ ठूलोचित्रेका ३० वर्षीय मंगले तामाङको हत्या गरेको आरोपमा स्थानीय ६५ वर्षीय डम्बरबहादुर तामाङ पक्राउ परेका हुन्।
धारिलो हतियार प्रहार गरी वीभत्स हत्या भएको जिल्ला प्रहरी कार्यालय नुवाकोटले जनाएको छ। उनलाई पक्राउ गरी हिरासतमा राखेको प्रहरी नायव उपरीक्षक तिलक भारतीले जानकारी दिए।
आपसी विवाद बढ्दै जाँदा विवादले उग्र रुप लिएपछि डम्बरबहादुरले मंगले तामाङलाई हतियार प्रहार गरेको जनाइएको छ।
प्रतिक्रिया दिनुहोस !
