कैलालीको घोडाघोडीमा दिदीबहिनी मृत फेला
![कैलालीको घोडाघोडीमा दिदीबहिनी मृत फेला](https://annapurnapost.prixacdn.net/media/albums/Death_20190729064735_mBey1HsC0S_NbeQmA6jYH.jpg)
धनगढी : कैलालीमा दिदीबहिनी मृत अवस्थामा फेला परेका छन् । कैलालीको घोडाघोडी नगरपालिका–१० का कलेशु चौधरीकी दुई छोरी मृत भेटिएको कैलालीका प्रमुख प्रहरी उपरीक्षक (एसपी) पदमबहादुर बिष्टले जानकारी दिए ।
चौधरीका २७ वर्षीया छोरी श्रीमालु चौधरी र २२ वर्षीया ईन्द्रा चौधरी घरको माथिल्लो तलाको धुरीमा झुन्डिएको अवस्थामा मंगलबार बिहान मृत भेटिएको एसपी बिष्टले बताए । दुवै जना धुरीमा झुन्डिएको अवस्थामा भेटिएपनि कारण पत्ता लागेको छैन् ।
प्रारम्भिक अनुसन्धानका क्रममा जेठो छोरी केही वर्षदेखि मुटु रोग र कान्छी छोरी डिप्रेशनको औषधी खाइरहेको बुझिएको एसपी विष्टले बताए । घटनाबारे थप अनुसन्धान जारी रहेको प्रहरीले जनाएको छ ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)