अन्तरपालिका स्तरीय भलिबल प्रतियोगिता : रैनादेवी, रम्भा र रामपुर सेमिफाइनलमा प्रवेश
![अन्तरपालिका स्तरीय भलिबल प्रतियोगिता : रैनादेवी, रम्भा र रामपुर सेमिफाइनलमा प्रवेश](https://annapurnapost.prixacdn.net/media/albums/Untitled-1_mZXFYhk4M6_w9fZdT4t4L.jpg)
तानसेनमा : चौथो अध्यक्ष कप अन्तरपालिका स्तरीय पुरुष भलिबल प्रतियोगिताअन्तर्गत मंगलबार भएको खेलमा रैनादेवीछहरा गाउँपालिका, रम्भा गाउँपालिका र रामपुर नगरपालिका सेमिफाइनलमा प्रवेश गरेका छन्।
रैनादेवी छहरा गाउँपालिकाले माथाँगढी गाउँपालिकालाई २-० को सोझो सेटमा पराजित गर्यो भने रम्भाले निस्दीलाई २-० को सोझो सेटमा हरायो।
यसैगरी रामपुर नगरपालिकाले तिनाउँ गाउँपालिकालाई २-० को सोझो सेटमा हराएको छ। यसैगरी पूर्वखोला र बगनासकाली गाउँपालिका बीचको क्वाटरफाइनल खेल चैत ७ गते बिहान हुने छ।
सेमिफाइनल र फाइनल खेल चैत ७ गते हुने खेलकुद विकास समितिका संयोजक नारायण कार्कीले जानकारी दिए। प्रतियोगितामा प्रथम हुने टोलीले नगद ७५ हजार, द्वितीय टोलीले नगद ४५ हजार, तृतीय टोलीले नगद ३० हजार र सान्त्वना हुनेले १५ हजार नगद, मेडल, ट्रफी, प्रमाण सहित पुरस्कार पाउने छन्। प्रतियोगितामा पाल्पाका १० वटै पालिकाबाट खेलाडीहरूको सहभागिता रहेको छ। पाल्पाको रैनादेवी छहरा गाउँपालिकाले प्रतियोगितामा सञ्चालन गरेको हो।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)